काठमाडौं- सरकारले थप १५ दिनका लकडाउन थपेको छ । आइतबार बसेको मन्त्रिपरिषदको बैठकले जेठ २० गतेसम्मका लागि लकडाउन लम्ब्याएको छ ।

लकडाउनको बखत अत्यावश्यक सेवाबाहेकमा पास आवश्यक पर्ने भएको छ । सञ्चारमन्त्री तथा सरकारका प्रवक्ता युवराज खतिवडाले अत्यावश्यक सेवा भने सञ्चालन गर्न दिइने बताए ।

पास विना रोकथामको उपायसहित कृषि, खाद्यान्न ढुवानी, निर्माण सेवा सञ्चालन गर्न दिइने पुरानै मोडालिटी कायम रहेको मन्त्री खतिवडाले बताए ।

नयाँ मोडालिटीका बारे छलफल भइरहेको र सुरक्षित तरिकाले श्रम गर्न दिने तयारी भएको समेत मन्त्री खतिवडाले जानकारी दिए ।

पास विना सञ्चालन गर्न पाउने सवारी साधन

• एम्बुलेन्स, शवबाहन र दमकल
• यसैगरी झण्डावाल सवारी, कुटनीतिक उन्मुक्ति तथा सुविधा प्राप्त नियोग, व्यक्ति तथा संघ संस्थाहरु प्रेस
• काउन्सिलबाट जारी भएको प्रेस पास प्राप्त सञ्चारकर्मीहरु
• स्वास्थ्य सेवामा खटिएका चिकित्सक, नर्स, फार्मासिस्ट प्रयोगशालामा कार्यरत प्राविधिक, अस्पतालमा कार्यरत अन्य
• कर्मचारीहरु, औषधी उत्पादन ढुवानी र विक्री वितरणमा संलग्न हुने जनशक्तिहरु
• खानेपानीको मर्मत सम्भार र वितरणमा संलगन जनशक्ति
• फोहोरमैला व्यवस्थापनमा परिचालित जनशक्ति
• ठूला खाद्य स्टोरमा कार्यरत जनशक्ति
• अत्यावश्यक वस्तु तथा ढुवानी गर्ने मालबाहक सवारी साधनहरु

यी क्षेत्रका सवारी चलाउनेले अनिवार्य आफ्नो कर्मचारी परिचय पत्र साथमा लिएको हुनुपर्नेछ । यसबाहेक कोरोना भाइरसको रोकथामका लागि ध्यान दिई निर्माण कार्य गर्न र निर्माण सामाग्री ढुवानी गर्न दिइने भएको छ ।