काठमाडौं । बेवारिसे शब जलाउदै आइरहेका ललितपुरका विनयजङ्ग बस्नेत अहिले सडकमा बेवारिसे बनेकाहरुलाई खाने कुरा बितरण गर्दै हिँडिरहेका छन् ।

खाना नपाएर भोक-भोकै सडकमा रात बिताउने बेवारिसे मानिसहरुको सारथि बनेका छन् उनी ।

लकडाउन सुरु भएको केही दिनदेखि बिनय चिउरा, चाउचाउ, दालमोठ र पानी दिई बेवारिशेको साहारा बनेका छन् । भन्छन्’ बेवारिसे थिए बाटोमा पैसा र चामल मागेर पनि खान्थे, तर लकडाउन भएपछि तिनिहरुलाई कसले दिने ?’

बेवारिसे भएर मर्ने स्थिति नहोस भनेर नै यसरी हरेक दिन साझ खानेकुरा बोकेर दौडिरहेको उनले बताए ।

‘काठमाडौं, भक्तपुर र ललितपुरका विभिन्न स्थानमा पुगि दैनिक १० देखि १५ जना बेवारिसेलाई खाने कुरा बाडिरहेको छु’ बिनयले भने, ‘अहिलेसम्म २ देखि ३ सय जनालाई बाँढिसके ।’

सधै एकै स्थानमा जान नभ्याइने भएकाले २ दिनलाई पुग्ने खाने कुरा एकै पटक दिइरहेको उनले बताए ।

भोको पेट भर्नका लागि खानेकुरा मात्र हैन । सडकमै रात बिताउनेहरुलाइ रात कटाउन ब्याल्ङ्केट समेत उनले दिने गरेका छन् ।

यो पनि पढ्नुहोस्

जो बेवारिसे शव खोज्दै जलाउँछन्