जनकपुरधाम– शुक्रबार(हिजो) जनकपुरधामको महावीर चोकस्थित सडकममा पैसा छरेर भागेका दुई मुस्लिम महिलालाई प्रहरीले पक्राउ गरेको छ ।

प्रहरीले शनिवार उनीहरुलाई पक्राउ गरेको हो ।

पक्राउ पर्नेमा जनकपुरधाम उपमहानगरपालिका ७ निवासी आमुना खातुन र अलिना खातुन रहेका छन् ।

उनीहरु भाउजु र नन्द भएको घटना बारे थप अनुसन्धान जारी रहेको प्रहरीले जनाएको छ ।

बाटोमा पैसा फकेर हिँडेसँगै जनपुरमा त्रास फैलिएको थियो । महावीर चोकमा नेपाली रुपैयाँ छरेर फरार रहेका दुई जना सीसीटीभीमा देखिएपछि उनीहरुको तस्वीरसहित प्रहरी खोजीमा लागेको थियो ।

दुई महिलाले दिउँसो साढे १२ बजे रूपैयाँ छररे भागेका थिए ।

बरामद गरिएको उक्त रूपैयाँ कोरोनाभाइरस सङ्क्रमणसम्बन्धी शङकास्पद भएकाले परीक्षणको लागि प्रादेशिक अस्पताल जनकपुरमा पठाइएको थियो भने । पैसा छरिएको क्षेत्रमा सेनिटाइजर छरिएको थियो ।