काठमाडौं- त्रिभुवन विश्वविद्यालयका उपकुलपति धर्मकान्त बाँस्कोटाले पूर्वनिर्धारित मितिमै तय भएका त्रिविले लिने परीक्षा स्थगित नहुने बताएका छन् ।
कतिपय संकायको परीक्षा भइरहेको र केहीको शुक्रबारदेखि शुरू हुने उनले जानकारी दिए ।
उनले आज डिनहरूसँग भएको छलफलमा परीक्षा स्थगित नगर्ने निर्णय भएको जानकारी दिँदै यस विषयमा आधिकारिक निर्णय बिहीबार हुने बताए ।
‘अहिलेसम्म परीक्षा स्थगित गर्ने कुनै छलफल भएको छैन। भोलि नै आधिकारिक निर्णय गर्छौं,’ बाँस्कोटाले भने।
उपप्रधान तथा रक्षामन्त्री ईश्वर पोखरेल संयोजक रहेको कोरोनाभाइरस रोकथाम तथा नियन्त्रण उच्चस्तरीय समितिले बुधबार विद्यालय र क्याम्पसमा पढाइ भने रोक्ने निर्णय गरेको थियो।
प्रतिक्रिया