काठमाडौं– सरकारले बजारबाट जफत गरेको ५ लाख थान मास्क स्वास्थ्य तथा जनसंख्या मन्त्रालयाई उपलब्ध गराउने भएको छ ।

कोरोना संक्रमण रोकथाम तथा नियन्त्रण उच्चस्तरीय समन्वय समितिको बुधवार बसेको बैठकले अवैध रुपमा लुकाइ राखिएका अवस्थामा फेला परी गृह मन्त्रालयबाट जफत गरिएका ५ लाख थान मास्क स्वास्थ्य तथा जनसंख्या मन्त्रालयलाई दिने निर्णय गरेको हो ।

यस्तै बाँकी रहेका अन्य मास्क भने साझा स्वास्थ्य सेवा सहकारी संस्था लिमिटेड मार्फत विक्री वितरण गर्ने निर्णय गरेको छ ।

सरकारले कोरानोनाका बिरामीलाई स्वास्थ्य उपचार गर्नुपर्ने भएका स्वास्थ्य मन्त्रालयले तोकेका सरकारी, सामुदायिक तथा निजी अस्पतालबाट उपचार गराउने व्यवस्था गर्ने पनि जनाएको छ ।

बजारमा मास्कको कालाबजारी शुरु भएपछि सरकारले विभिन्न क्षेत्रमा लुकाइएको मास्क जफत गरेरको थियो । सरकारले काठमाडौंको सानो भर्‍याङबाट मात्र १० लाख थान मास्क लुकाएर राखेको अवस्थामा जफत गरेको थियो ।