इस्लामावाद– पाकिस्तानको क्वेट्टा शहरमा गराइएको आत्मघाती बम आक्रमणमा कम्तीमा ७ जना मारिएका छन् ।

बलोचिस्तान प्रान्तको राजधानी शहर रहेको क्वेटामा एक राजनीतिक ¥यालीलाई लक्षित गरी आत्मघाती आक्रमण गराइएको अधिकारीले जनाएका छन् ।

अहल ए सुन्नत वाल जमात नामक समूहले आयोजना गरेको ¥यालीमा भएको विष्फोटमा अरु २५ जना घाइते भएका छन् । यस समूहको संलग्नता कट्टर साम्प्रदायिक गुटसँग रहेको जनाइएको छ ।

¥यालीनजिक मोटरसाइकलमा आएको आत्मघातीलाई प्रहरीले ¥याली भइरहेको स्थानमा जान रोकेको र उसले त्यहीँ विष्फोट गराएको अधिकारीलाई उद्धृत गर्दै अल जजिराले जनाएको छ ।

आक्रमणको जिम्मा हालसम्म कुनै पनि समूहले लिइसकेको छैन । यद्यपि बलोचिस्तान प्रान्तमा यसअघि विभिन्न लडाकु एवं आतंककारी समूहले सार्वजनिक तथा सैनिक निशानालाई लक्षित गरी यस्ता आत्मघाती आक्रमण गराउँदै आएका छन् ।