काठमाडौं– स्वास्थ्य तथा जनसंख्या मन्त्री भानुभक्त ढकालले खरिपाटीको क्वारेन्टाइ स्थलको निरिक्षण गरेका छन् ।

मन्त्री ढकालले गत आइतबार बिहान चीनको कोरोना प्रभावित क्षेत्रबाट ल्याइएका नेपालीलाई राखिएको खरिपाटीस्थित क्वारेन्टाइन स्थलको निरिक्षण गरेका हुन् ।

स्वास्थ्य मन्त्री ढकाल खरिपाटी पुगेर क्वारेन्टाइमा रहेका १ सय ७५ जना नेपालीको स्वास्थ्य अवस्था र उनीहरुलाई क्वारेन्टाइनमा राखिँदा भइरहेको व्यवस्थापनबारे जानकारी लिएका छन् ।

क्वारेन्टाइनमा राखिएका नेपालीहरुको जानकारी तथा सूचना दिने कन्ट्रोलरुपमा पुगेर मन्त्री ढकालले उनीहरुलाई सरकार नेपाली नागरिकको स्वास्थ्य प्रति जिम्मेवार रहेको बताए ।

उनले क्वारेन्टाइनमा रहेका नेपालीलाई स्वास्थ्य समस्या देखिएमा स्वास्थ्य सुरक्षामा खटिएका स्वास्थ्यकर्मीलाई जानकारी गराउन समेत आग्रह गरेका छन् ।