मोरङ- प्रदेश १ सरकारले कानेपोखरी गाउँपालिकालाई बारूण यन्त्र र प्रहरी चौकीलाई भेन उपलब्ध गराएको छ ।

प्रदेश सरकारले उपलब्ध गराएको प्रहरी भेन गाउँपालिकाका  अध्यक्ष ताराबहादुर काफ्लेले रमाइलो प्रहरी चौकीका असई लाक्पा शेर्पालाई हस्तान्तरण गरे ।

भेनको इन्धन र मर्मत खर्च सबै गाउँपालिकाले गर्ने बताउँदै काफ्लेले दुरुपयोग नगरी काम गर्न प्रहरीलाई आग्रह गरे ।

प्रहरीलाई प्रदेश १–२, ००१ झ ०७२४ नम्बरको ५७ लाख ११ हजार ५ सय पर्ने टाटा कम्पनीको प्रहरी भेनको चाबी र ब्लुबुक उनले हस्तान्तरण गरेका थिए । प्रहरी चौकीमा अहिले १ जना असई, २ जना हवल्दार र ५ जना प्रहरी जवान रहेको छ ।

यस्तै प्रदेश सरकारले गाउँपालिकालाई बारण यन्त्र पनि उपलब्ध गराएको छ । आगलागीका घटना बढी हुने गरे पनि कानेपोखरीमा बारूणयन्त्र नहुँदा समस्या हुँदै आएको थियो ।