काठमाडौं– यूथ कांग्रेस नेपालले काठमाडौं महानगरपालिका मेयर विद्या सुन्दर शाक्यको कोरोना भाइरस ‘कोभिड – १९’ संक्रमणपश्चात् ‘सोल्टी होटल’ आइसोलेसनमा बसेको खर्चको विवरण माग गरेको छ ।

होम आईसोलेसनमा बसेका भनिएका मेयर शाक्य सोल्टी होटलको आइसोलेसनमा बसेको भनि विभिन्न सञ्चार माध्यममा समाचार बाहिरीएपछि यूथ कांग्रेस नेपालका सदस्यहरुले सूचनाको हक सम्बन्धिको निवेदन मार्फत् मेयर शाक्यको आइसोलेसन खर्च माग गरेको हो ।

यसैगरी विगत ६ महिनामा महानगरका कर्मचारी र पदाधिकारीहरुले ‘कोभिड – १९’ को उपचार र सुरक्षाका सम्बन्धमा गरेको खर्च विवरण समेत माग गरेको छ।

यसअघि गत चुनावमा महानगरको मेयरकी प्रत्यासी रञ्जु दर्शनाले सूचनाको हक अन्तर्गत मेयर शाक्यको खर्च माग गर्दै निवेदन दिएकी थिईन् ।

हेर्नुहोस् विज्ञप्ति –