काठमाडौं – जिल्ला प्रशासन कार्यालय काठमाडौंले कोरोना संक्रमण फैलिन नदिन भन्दै स्थगित गरेका सेवाहरु आइतवारदेखि पुनः सञ्चालन गर्ने भएको छ ।

कोरोना संक्रमण फैलिन सक्ने भन्दै जिल्ला प्रशासन कार्यालयले साउन २५ गतेदेखि सीमित सेवा मात्र दिएको थियो । असोज ४ गतेबाट सबै सेवा सुचारु गरिने प्रशासन कार्यालयले जनाएको छ ।

स्वास्थ्य तथा जनसंख्या मन्त्रालयले निर्धारण गरेका मापदण्ड अपनाई अर्को व्यवस्था नभएसम्मका लागि प्रत्येक सेवामा दैनिक २० जनाभन्दा बढी सेवाग्राही नबढ्ने गरी व्यवस्था मिलाइएको प्रशासन कार्यालयहरुले सार्वजनिक गरेको सूचनामा उल्लेख छ ।

काठमाडौं, भक्तपुर र ललितपुरका प्रमुख जिल्ला अधिकारीहरुबीच भएको छलफलअनुसार तीनवटै प्रशासन कार्यालयले एउटै ढाँचामा सेवा दिने सूचनामा उल्लेख छ ।

जिल्ला प्रशासन कार्यालय काठमाडौंले जारी गरेको सूचना