काठमाडौं- युट्युबर सोनिका रोकाया पुनः सामाजिक सञ्चालमा भाइरल बनेकी छिन् ।

बेलाबखतमा चर्चा र विवादमा आउने सोनिका यो पटक भने अश्लिल गालीगलौजका कारण सामाजिक सञ्जालमा भाइरल बनेकी हुन् ।

सामाजिक सञ्जाल फेसबुकमा रोकायाले लाइभमै अपशब्दहरु प्रयोग गरेकी छिन् ।

सामाजिक सञ्जालमा निकै आक्रामक र आक्रोशित रुपमा प्रस्तुत भएकी उनले कतिपय कुरा सार्वजनिक स्थल र मञ्चमा नबताउन खोजे पनि आफूलाई बाध्य पारिएको बताएकी छिन ।

उनले भनेकी छिन्, ‘कति कुरा सार्वजनिक स्थानमा नबोल्न खोज्दा-खोज्दै पनि आवेशमा ल्याउँछन् । बाध्य पारिन्छ ।’

उनले आफू पागल भएको भन्दै उनले ‘साइको’ बनेपछि मान्छे मारेको पनि थाह नहुने भन्दै होरियार हुन चेतावनी समेत दिएकी छिन् । उनले उक्त भिडियोमा राम गौतमको नाम लिँदै आक्रोश पोखेकी छिन् ।

उनले भनेकी छिन ‘राम गौतम ठाउँमा बस्, मानवता ठूलो हो, औकात देखाइदिन्छु।’

उनले लाइभमा भनेकी छिन् ‘म पागल हुँ, सबलाई ठोकिदिन्छु ।’

मानसिक रुपले विक्षिप्त देखिएकी उनले मानिस कसरी पागल हुने रहेछ भन्दै प्रश्न समेत गरेकी छिन् ।

तर उनले तीन मिनेट करिब अश्लिल गाली गर्दै आक्रोश पोखे पनि कारण भने खुलाएकी छैनन् ।

उनले नाम लिएको राम भन्ने व्यक्तिले के गरे भन्ने नखुलाए पनि सोनिकाले ९ वर्ष आफूले पीडा भोगेको र अब पनि आफ्नो ठाउँमा नबसे औकात देखाइदिने बताएकी छिन् । उनले दैनिक पीडा भोगेको उल्लेख गरेकी छिन् ।

उनले लाइभ देखाएको हर्कत फेसबुक तथा युट्युबमा समेत भाइरल भएको छ । केही समय अघि पूर्व युवराज पारश शाहसँगको हिमचीमका कारण उनी चर्चामा आएकी थिइन् ।