न्यूयोर्क – हलिउड स्टार टम क्रुजको आगामी फिल्म ‘मिसन इम्पोसिबल ७’ को छायांकन रोकिएको छ ।

टम क्रुजले एक स्टन्ट गरिरहेका थिए । उक्त स्टन्ट गर्ने क्रममा बाइक (मोटरसाइकल) मा आगो लागेको थियो ।

कोरोना भाइरसका कारण ढिलो र पुनः शूटिङ थालिएको यो फिल्मको इङ्ल्याण्डमा छायांकन भइरहेको थियो । छायांकनका बेला दुर्घटना भएपछि पुनः सबै काम रोकिएको छ ।

रिपोर्टका अनुसार, एक स्टन्टका दौरान बाइकमा आगो लाग्दा फिल्मको सेटमा पनि नोक्सान पुगेको छ । यो सेटलाई बनाउनलाई २० करोडभन्दा बढी लागत लागेको जनाइएको छ ।

फिल्मका शीर्ष कलाकार टम क्रुज दुर्घटनामा परे पनि घाइते हुनबाट जोगिएका छन् । बरु फिल्मको छायांकन समयमा हुन नपाएकोमा उनी चिन्तित छन् ।

खबरलाई मान्ने हो भने, एक एक्सन सिनका लागि फिल्मको क्रुले पोल्याण्डमा एक सय वर्ष पुरानो पुललाई ध्वस्त बनाउने योजना बनाएका छन् ।

यसअघि रिलिज भएका मिसन इम्पोसिबल सिरिजले दर्शकको मन जितेका छन् । ‘मिसन इम्पोसिबल ७’ भने सन् २०२१ को नोभेम्बरमा रिलिज गर्ने तयारी छ ।