काठमाडौं – बार्सिलोनाले मुख्य प्रशिक्षक क्विकी सेटिनलाई बर्खास्त गरेको छ ।

च्याम्पियन्स लिगको क्वाटरफाइनलमा बार्यनसँग लज्जास्पद हार व्यहोरेसँगै क्लबले सेटिनलाई बर्खास्त गरेको हो।

शनिबार बिहान भएको खेलमा बार्सिलोना जर्मन क्लब बार्यन म्युनिखसँग ८-२ गोल अन्तरले पराजित भएको थियो।

लियोनल मेस्सीको कप्तानीमा रहेको बार्सिलोनाले यो स्तरको नतिजा व्यहोर्ने अपेक्षा धेरै कमले गरेका थिए। तर, अनपेक्षित हारसँगै बार्सिलोना च्याम्पियन्स लिगबाट बाहिरनु पर्दा क्लबको पहिलो कडा कदमका सिकार प्रशिक्षक सेटिन बनेका छन्।

यो वर्ष ला लिगामा समेत उपाधि हात पार्न नसकेको बार्सिलोनाले च्याम्पियन्स लिगको क्वाटरफाइनलबाट बाहिरीए लगत्तै क्लबका अध्यक्षले हप्ता दिनमा केही निर्णय हुने बताएका थिए।

सन् २०१९ को जनवरीमा अर्नेष्टो भालभार्देको स्थान लिएका सेटिनले क्लबका लागि राम्रो गर्न नसक्दा बर्खास्तीमा परेका हुन्।