काठमाडौं – सत्तारुढ दल नेपाल कम्युनिस्ट पार्टी (नेकपा) को सचिवालय समितिको बैठक शनिबार (भोलि) लाई बोलाइएको छ ।
साउन ४ गतेलाई तय गरिएको स्थायी कमिटीको बैठकअघि सचिवालय समितिको बैठक बस्न लागेको हो । शुक्रबार प्रधानमन्त्री तथा पार्टी अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डबीच भएको छलफलमा सचिवालय बैठक बोलाउने सहमति भएको हो ।
केही समययता नेकपाभित्र आन्तरिक विवाद उत्पन्न भएको छ । नेकपाका शीर्ष नेताहरूले प्रधानमन्त्रीको राजीनामा मागेपछि पार्टीभित्र थप विवाद बढेको छ ।
विवाद बढ्दै गएपछि ओली र प्रचण्डबीच पटक–पटक छलफलबाट सहमति जुटाउने प्रयास भए पनि कुनै सहमति हुन सकेको छैन ।
प्रतिक्रिया