मुम्बई – भोजपुरी फिल्म उद्योगका सुपरस्टार रवि किशनले लामो समयदेखि फिल्म क्षेत्रमा काम गरिरहेका छन् । जौनपुर उत्तर प्रदेशको बिुई गाउँमा जन्मिएका रवि किशनको आज जन्मदिन पनि हो । उनी आज आफ्नो ५१ औं जन्मदिन मनाउँदै छन् ।

रवि किशनले सन् १९९२ फिल्मकी करिअर थालेका रवि किशन हिन्दी फिल्म हुँदै भोजपुरी फिल्मतिर लागेका थिए । तर, भोजपुरी फिल्ममा जमेका कारण धेरैले उनी भोजपुरी फिल्मपछि हिन्दी फिल्ममा काम थालेको मान्छन् ।

सन् १९९२ देखि २००२ सम्म उनले हिन्दी फिल्ममा काम गरेका थिए ।

रविले आफ्नो करिअरका बेला निकै मेहनत गरे । उनले एक अन्तर्वार्तामा बताएका थिए कि, उनले कैयन् फिल्ममा त करिअरका खातिर नि:शुल्क काम गरे ।

कतिपय फिल्ममा उनी अन्तिम समयमा आएर रिजेक्ट भएका थिए । उनले शुरुका १२ वटा फिल्ममा पारिश्रमिक नलिई काम गरेका थिए ।

रवि भन्छन् – विकल्प कम थिए, त्यतिबेला तपाईंलाई कि त काम मिल्थ्यो, या पैसा ।

रविले कसैले कामको प्रस्ताव गर्दा अस्वीकार गर्दैनथे । उनलाई पहिलोपटक बलिउड अभिनेता अमिताभ बच्चनले भोजपुरी फिल्मका सुपरस्टार भनेका थिए । उनलाई फ्यानले भोजपुरी फिल्मका सुपरस्टार मान्ने गर्छन् ।