काठमाडौं – भारतीय विदेशमन्त्री एस जयशंकर र चिनियाँ समकक्षी वाङ यीबीच टेलिफोन संवाद भएको छ ।

लद्दाखको गालवान भ्यालीमा भएको हिंसात्मक झडपका कारण भारत-चीनबीच तनाव बढिरहेका बेला उनीहरुबीच टेलिफोन संवाद भएको हो ।

उनीहरुबीच लद्दाख झडपका विषमा कुराकानी भएको जनाइएको छ । टेलिफोन संवादका क्रममा चिनियाँ विदेश मन्त्री वाङले भारतीय सैनिक सीमा नाघेर चीनतर्फ आई भिडन्तका लागि उक्साएको दाबी गर्दै ती सैनिकलाई कारबाही गर्न माग गरेको अन्तर्राष्ट्रिय सञ्चारमाध्यमले जनाएका छन् ।

विवादलाई न्यायोचित रुपमा सुल्झाउन र जतिसक्दो छिटो तनाव कम गर्न दुवै पक्ष सहमत भएको भारतीय सञ्चारमाध्यमले खबर लेखेका छन् ।

गत सोमबारराति भएको झडपमा २० भारतीय सेनाको मृत्यु भएको थियो भने चीनतर्फका ४३ सैनिक हताहत भएको भारतीय पक्षले दाबी गरिरहेका छन्  ।

चीनले आफ्ना पक्षका सेना हताहतको विषयमा आधिकारिक केही खुलाएको छैन ।

भारतले आफ्ना २० जना सैनिक मारिएको खबर दिँदै नामावली सार्वजनिक गरिसकेको छ ।

झडपमा मारिने भारतीय सैनिकको सूची

१. एम- कर्णेल बी सन्तोष बाबु- हैदराबाद

२. एस- नायक सुबेदार नुदुरम सोरेन- मयूरभन्ज

३. एम- नायक सुबेदार मन्दीप सिंह- पटियाला

४. एक्स- नायक सुबेदार सतनाम सिंह- गुरदासपुर

५. वाई- हवल्दार के. पालानी- मदुरई

६. एन- हवल्दार सुनील कुमार- पटना

७. एन- हवल्दार विपुल राय- मेरठ सिटी

८. के- नायक दीपक कुमार- रीवा

९. सिपाही राजेश ओरांग- बीरभूम

११. वाय- सिपाही कुन्दनकुमार ओझा- साहेबगन्‍ज

११. सिपाही गणेश राम- कांकेर

१२. सिपाही चन्द्राकान्ता प्रधान- कंधमाल

१३. सिपाही अंकुश- हमीरपुर

१४. सिपाही गुरबिंदर- संगरुर

१५. सिपाही गुरतेज सिंह- मनसा

१६. सिपाही चन्दन कुमार- भोजपुर

१७. सिपाही कुन्दन कुमार- सहरसा

१८. सिपाही अमन कुमार- समस्तीपुर

१९. सिपाही जयकिशोर सिंह- वैशाली

२०. सिपाही गणेश हंसदा- पूर्वी सिंहभूम