जनकपुर- प्रहरीले धनुषामा हतियारसहित २ जनालाई पक्राउ गरेको छ ।

धनुषा शहिदनगर नगरपालिका वडा नम्बर ३ स्थित झण्डा चोकबाट हतियार सहित २ जनालाई प्रहरीले पक्राउ गरेको हो ।

विशेष सूचनाका आधारमा प्रदेश नम्बर २ प्रहरी कार्यालय जनकपुरबाट खटिएको प्रहरी र जिल्ला प्रहरी कार्यालय धनुषाबाट खटेको प्रहरीको संयूक्त टोलीले चेकजाच गर्ने क्रममा २ जना पक्राउ गरेको हो ।

शंकाको आधारमा ज.१२ प ५१६५ नम्वरको मोटरसाईकललाई रोकी चेक जाँच गर्दा उनीहरुको साथबाट हतियार बरामद भएको प्रदेश प्रहरी कार्यालयका प्रवक्ता प्रहरी उपरीक्षक जयराज सापकोटाले जानकारी दिए ।

मोटरसाईकलमा सवार कमला नगरपालिका वडा नम्बर ८ हरिने बस्ने १८ वर्षीय अक्षय पासवानको साथबाट कटुवा पेस्तोल १ थान र ३ राउण्ड गोली बरामद प्रहरीले जानकारी दिएको छ ।

त्यस्तै मोटरसाईकल चालक सोही गाउँ बस्ने २० वर्षीय सुनिलकुमार साह समेतलाई पक्राउ गरिएको प्रहरी उपरिक्षक सापकोटाले जानकारी दिए । घटनाबारे प्रहरीले अनुसन्धान जारी राखेको छ ।