एजेन्सी- ट्रम्प प्रशासनको काम–कारबाहीप्रति अमेरिकाका पूर्वराष्ट्रपति बाराक ओबामाले कडा आलोचना गरेका छन् । कोभिड–१९ को महामारीसँग जुध्नका लागि सरकारले केही पर्याप्त काम नगरेको उनको आरोप छ ।

अश्वेत विद्यार्थीको दीक्षान्त समारोहलाई अनलाइनमार्फत सम्बोधन गर्दै उनले श्वेत व्यक्तिको तुलनामा अश्वेत समुदायमा कोरोनाको भयानक असर परिरहेको उल्लेख गरेका छन् । ओबामाले कोरोना संकटले अमेरिकी स्वास्थ्य व्यवस्थामा जातीय असमानता उजागर गरेको बताएका छन् ।

ओबामाले अहमद आर्बरीको हत्याको विषयमा उनको नाम नलिइकनै रोष व्यक्त गरे । २३ फेब्रुअरीमा जर्जियामा जगिङ गर्न जाँदा २५ वर्षका युवकको गोली हानी हत्या गरिएको थियो ।

उनले कोरोनाभाइरसबाट फैलिएको महामारीसँग ट्रम्प प्रशासन जुध्न नसकेको बरु त्यो विध्वंशतिर उन्मुख भएको बताएका छन् ।

अमेरिकामा कोरोनाभाइरसका १५ लाख ७ हजार बढी संक्रमित छन् र मृतकको संख्या साढे ९० हजार नाघेको छ ।