काठमाडौं- नेपाली कांग्रेसका सभापति शेरबहादुर देउवाले राजधानीबाट घर जान हिँडेका जनतालाई तत्काल गासवासको प्रवन्ध गरि सुरक्षितसँग घर पुर्‍याउ सरकारसँग आग्रह गरेका छन् ।

घर जाने जनताहरुलाई तत्काल गासवासको प्रवन्ध गरि सुरक्षित ढंगले गाउँ पुर्याउने व्यवस्था मिलाउन सरकारसँग देउवाले आग्रह गरेका छन् ।

सयौं किलोमिटर पैदल हिँडेर घर गइरहका प्रति सरकार सवेदनशील नबनेको आरोप देउवाको छ ।

सामाजिक सञ्जाल ट्वीटरमा देउवाले लेखेका छन्,’राजधानीबाट घर जाने ति जनताहरुलाई तत्काल गासवासको प्रवन्ध गरी सुरक्षित ढंगले गाउँ पुर्याउने व्यवस्था मिलाउन म सरकारसँग आग्रह गर्दछु ।’

देउवाले अगाडि लेखेका छन्,’काठमाडौंमा श्रम गरिरहेका नागरिकहरु खाना र बस्ने व्यवस्था नुहदा सयौं किलोमीटर पैदल हिंडेर घर गइरहेका छन्।सरकारको भरथेग सबैभन्दा बढि तिनै निमुखा जनतामाथि हुनुपर्ने हो।तर सरकारमा बसेकाहरु ति निमुखाहरुको त्यो यात्राको दर्शक मात्रै भएका छ।’

सभापति देउवाले पैदल हिँडेर घर गइरेका नागरिकलाई स्थानीय तह र पार्टीका विभिन्न संगठनले सामाजिक दूरी कायम गरी आआफ्नो क्षेत्रमा खाना र वासको प्रवन्ध मिलाउन आग्रह गरेका छन् ।

‘लकडाउनको कारण काठमाडौं लगायत विभिन्न क्षेत्रबाट खाना र बस्ने व्यवस्था नभएर पैदल हिडेर घर गइरहेका नागरिकहरुलाई नेपाली कांग्रेसका स्थानीय तह र पार्टीको भातृ तथा सुवेच्छुक संस्थाका साथिहरुले सामाजिक दुरी कायम गरी आआफ्नो क्षेत्रमा खाना र राती भए वासको प्रवन्ध मिलाउन आग्रह गर्दछु।’ देउवाले भनेका छन् ।