कोरिया- दक्षिण कोरियाको ईन्छन अदालतले नक्कली फोटो प्रयोग गरी ईपीएस भाषा परिक्षा दिई रोजगारीको शिलशिलामा दक्षिण कोरिया पुगेका एक नेपालीलाई ६ महिना जेल सजाय सुनाएको छ।

कोरियाको आप्रवासी नियन्त्रण ऐनको उल्लङ्घन गरेको आरोपमा ३४ वर्षीय एक नेपालीलाई ईन्छन जिल्ला अदालतका न्यायाधीश सिओक जुन ह्यप को ईजलाषले बुधवार उनलाई २ वर्ष कोरिया प्रवेशमा रोक तथा ६ महिनाको जेल सजायकाे फैसला सुनाएको हो ।

उनले २०१७ जुन महिनामा भएको ईपीएस भाषा परिक्षामा कोरियन भाषामा दख्खल ब्यक्तीलाई प्रयोग गरी कोरियन भाषा पास गरेको,फर्जी कागजात पेश गरेर कोरिया आएको ,परीक्षा दिने व्यक्ति र आफ्नो फोटोलाई फोटोशप प्रयोग गरी अनुहार सिन्थेसाईज गरेको पाईएपछी अदालतले उनलाई यस्तो सजाय सुनाएको हो।

न्यायाधीशका अनुसार उनले कोरियाको ईमिग्रेशन कन्ट्रोल एक्ट विपरीत कार्य गरेकोले यस्तो सजाय सुनाइएको बताएका छन्।

सजाय पाएका व्यक्तिको परिचय भने गोप्य राखिएको छ । यसअघि पनि नक्कली परीक्षा तथा फोटोको दुरुपयोग गरी कोरिया पुगेको अभियोगमा पक्राउ परिसकेका छन् ।