काठमाडौं– विश्वव्यापी महामारीको रुप लिएको कोरोना भाइरस (कोभिड–१९) सम्भावित संक्रमणबाट जोगिन सर्वोच्च अदालतमा समेत उच्च सतर्कता अपनाइएको छ ।

सर्वोच्च अदालतले दैनिक कामका लागि आउने सेवाग्राहीको ज्वरो नापेर मात्रै भित्र प्रवेश गर्न दिने व्यवस्था शुरु गरेको छ ।

सर्वोच्च अदालत प्रवेश गर्ने सेवाग्राहीले अब मुख्य प्रवेशद्वारमै आफ्नो तापक्रम (ज्वरो) परीक्षण गराउनुपर्ने छ ।

सर्वोच्च अदालतका सञ्चार विज्ञ किशोर पौडेलका अनुसार अब सर्वोच्च अदालत प्रवेश गर्ने सेवाग्राहीको थर्मोस्क्यानरबाट ज्वरो परीक्षण गरिने छ । कुनै सेवाग्राहीमा १०० डिग्री फरेनहाइटभन्दा बढी तापक्रम देखिएमा तत्काल अदालतमै रहेको हेल्थ डेस्कमा राखी एम्बुलेन्स बोलाएर अस्पताल पठाइने पौडेलले जानकारी दिए ।