एजेन्सी- यूईएफए नेसन्स लिग फुटबलमा इटालीले पोल्याण्डलाई हराएको छ ।

आइतबार राति भएको खेलमा १० खेलाडीमा सीमित पोल्याण्डलाई इटालीले २-० गोलले हरायो ।

इटालीको जितमा जोर्जिन्हो र डोमिनिको बेरार्डीले एकएक गोल गरे ।

घरेलु मैदानमा जोर्जिन्होले २७औँ मिनेटमा पेनाल्टीमा गोल गर्दै इटालीलाई अग्रता दिलाएका थिए ।

खेलको ७७औँ मिनेटमा गोराल्स्कीले दोहोरो पहेलो कार्डसहित रातो कार्ड पाउँदा पोल्याण्ड १० खेलाडीमा समेटिएको थियो ।

खेलको ८४औँ मिनेटमा डोमिनिकोले गोल गर्दै इटालीलाई २-० को जित दिलाए ।

जितसँगै लिग ‘ए’ समूह १ को इटालीले अर्को चरणमा पुग्ने सम्भावना कायम राखेको छ ।

समूहको शीर्ष स्थानमा रहेको इटालीले ५ खेलमा ९ अंक छ । ७ अंक जोडेको पोल्याण्ड तेस्रो स्थानमा रहेको छ ।