काठमाडौं– सुजी फाउण्डेसनले स्वास्थ्य तथा जनसंख्या मन्त्रालयलाई २० थान नेजल क्यानुला सहयोग गरेको छ ।

स्वास्थ्य मन्त्रालयका प्रवक्ता डाक्टर जागेश्वर गौतमले नियमित लाइभ अपडेट मार्फत फउण्डेसनका महेस नकर्मीले २० थान नेजल क्यानुला स्वास्थ्य मन्त्रालयका प्रमूख विशेषज्ञ डाक्टर रोशन पोखरेललाई मन्त्रालयमा शुक्रबार हस्तान्तरण गरेको जानकारी दिए ।

स्वास्थ्य मन्त्रालयलाई प्राप्त भएको उक्त स्वास्थ्य सामग्री वीर अस्पताल, त्रिवि शिक्षण अस्पताल महाराजगञ्ज, बीपी कोइराला स्वास्थ्य विज्ञान प्रतिष्ठान धरान, पाटन अस्पताल, शुक्रराज ट्रपिकल तथा सरुवा रोग अस्पताल र कोशी अस्पतालमा जडान गरिने डा गौतमलले जनाकारी दिए ।

उक्त सामग्री सहयोग गरेकोमा स्वास्थ्य मन्त्रालयले सुजी फाउण्डेसनलाई धन्यवाद समेत दिएका छन् ।

नेजल क्यानुला श्वासप्रश्वासको समस्या भएका व्यक्तिलाई आइसीयु तथा भेन्टिलेजरमा राख्दा कृत्रिम अक्सिजन दिन आवश्यक पर्ने स्वास्थ्य सामग्री हो ।