मुम्बई – सुशान्त सिंह राजपूत आत्महत्या प्रकरणपछि बलिउडमा चलेको नेपोटिज्मको बहसले धेरै कलाकारको विरोध भयो ।
अझै पनि यो बहस सकिएको छैन । बरु सुशान्तको केश ड्रग्स र उनकी प्रेमिका रियातर्फ सोझिएको छ ।
नेपोटिज्म बहसले निम्त्याएको माहोलका कारण आलियाको पछिल्लो फिल्म ‘सडक २’ ले घाटा बेहोर्नुपरेको थियो । सुशान्तका फ्यानलाई अझै पनि आलियाप्रति रिस उठेको छ ।
किनकि, उनी बलिउडमा नातावादका कारण चलेको आरोप लगाइएको छ ।
हालै आलियाले तस्वीर शेयरिङ साइट इन्स्टाग्राममा एक तस्वीर अपलोड गरिन् । उक्त तस्वीरमा प्रयोगकर्ताले नकारात्मक प्रतिक्रिया गरेका छन् ।
आफू ट्रोल भइरहेका बेला आलियाले सुन्दर तस्वीर शेयर गर्दै लेखिन् – तर म अघि बढिरहनेछु, रोकिने छैन ।
यो तस्वीरमा १४ हजारभन्दा बढीले प्रतिक्रिया दिएका छन् । तीमध्ये केही प्रतिक्रिया राम्रो भन्दै आइरहेका छन् भने धेरै प्रतिक्रियामा उनलाई गालीको वर्षा भएको छ ।
एक प्रयोगकर्ताले लेखेका छन् – दिदी तपाईंको अर्को फिल्म कहिले आउँछ ? उसलाई डिसलाइक गर्न छ ।
‘इन्स्टाग्राममा एक चप्पल बटन पनि हुनुपर्छ,’ अर्का एक प्रयोगकर्ताले लेखेका छन् ।
हालै आलियाको फिल्म ‘सडक २’ रिलिज भएको थियो । उक्त फिल्मको ट्रेलरमै दर्शकले लाइकभन्दा बढी डिसलाइक गरेका थिए । फिल्मले समीक्षा पनि राम्रो पाएन ।
प्रतिक्रिया