काठमाडौं- आज बिहान सिन्धुपाल्चोक केन्द्र भएर भूकम्प जाँदा जलबिरेमा एक जना घाइते भएका छन् ।

भूकम्पले हल्लाउन थालेपछि झ्यालबाट हाम फाल्दा स्थानीय रामचन्द्र रायमाझी घाइते भएको इलाका प्रहरी कार्यालय जलबिरेले जनाएको छ।

उनी राष्ट्रिय वाणिज्य बैंक जलविरे शाखाका कर्मचारी रहेको प्रहरीले जनाएको छ ।

झ्यालबाट हामफाल्दा उनको ढाडमा चोट लागेको जनाइएको । अहिले उनको जलविरे प्राथमिक स्वास्थ्य केन्द्रमा उपचार भइरहेको कार्यालयका प्रहरी निरीक्षक हरि भट्टराईले बताए ।

घाइतेको अवस्था सामान्य रहेको प्रहरिले जनाएको छ ।

राष्ट्रिय भूकम्प मापन केन्द्रका अनुसार बुधबार बिहान ५ बजेर १९ मिनेट जाँदा सिन्धुपाल्चोको राम्चे केन्द्रविन्दु भएर ६ रेक्टर स्केलको भूकम्प गएको हो ।

भूकम्पको धक्का काठमाडौं उपत्यकासहित आसपासका जिल्लामा महसुस गरिएको थियो ।

काठमाडौं उपत्यकामा भूकम्पको धक्का महसुस भएपछि मानिसहरु सडकमा निस्किएका थिए ।

राष्ट्रिय भूकम्प केन्द्रका अनुसार यो २०७२ सालको गोरखा भूकम्पकै पराकम्प हो ।