मुम्बई – हिन्दी फिल्म ‘सडक २’ को गीत ‘तुम से ही’ रिलिज भएको छ ।

ट्रेलरपछि यो गीतले पनि अनलाइनमा लाइकभन्दा बढी डिसलाइक पाएको छ । गीत रिलिज भएको केही घण्टामै लाखौंले डिसलाइक गरेका छन् ।

गीतमा आदित्य रोय कपूर र आलिया भट्टको शीर्ष भूमिका रहेको छ । गीतमा उनी एक गायकका रुपमा देखिएका छन् । यसअघि उनले ‘आशिकी २’ मा यस्तै खाले भूमिका निभाएका थिए ।

महेश भट्टको फिल्म ‘सडक २’ को ट्रेलर युट्युबमा रिलिज भएदेखि यो समाचार तयार पार्दासम्म ८ लाखले हेरेका छन् ।

सन् १९९१ को हिट फिल्म ‘सडक’ को सिक्वेल ‘सडक २’ मा आदित्य र आलियाका अलावा सञ्जय दत्तको पनि शीर्ष भूमिका छ ।

यो फिल्म भारतमा बहस भइरहेको नेपोटिज्मको मारमा परेको छ । २८ अगस्तमा ओटीटी प्लेटफर्ममा रिलिज हुने यो फिल्मले कस्तो प्रतिक्रिया पाउने छ, त्यो भने हेर्न बाँकी छ ।