एजेन्सी – अमेरिकी राष्ट्रपति डोनाल्ड ट्रम्पका भाइ रोबर्ट ट्रम्प सिकिस्त बिरामी भएका छन् ।

न्यूयोर्क सिटीको अस्पतालमा उपचाररत रोबर्टको स्वास्थ्य अवस्था चिन्ताजनक रहेको अन्तर्राष्ट्रिय सञ्चार माध्यमहरूले जनाएका छन् ।

यसैबीच राष्ट्रपति डोनाल्ड ट्रम्प न्यूयोर्क सिटी अस्पताल पुगेर भाइ रोबर्टलाई भेटेका छन् ।   स्थानीय समय अनुसार शुक्रबार अपराह्न मास्क लगाएर अस्पताल पुगेका ट्रम्पले रोबर्टको स्वास्थ्य अवस्थाबारे जानकारी लिएका थिए ।

करिव ४५ मिनेट अस्पतालमा बसेका ट्रम्पले रोबर्टको अवस्था गम्भीर रहेको बताएका छन् । रोबर्टले राष्ट्रपति ट्रम्पको रियल–स्टेड बिजेनेश सम्हाल्दै आएका छन् । रोबर्ट सिकिस्त बिरामी भनिए पनि उनलाई के भएको हो भन्नेबारे केही पनि खुलाइएको छैन ।