काठमाडौं- प्रहरीले जुवातास खेलिरहेको अवस्थामा विभिन्न ठाउँबाट १९ जनालाई प्रकाउ गरेको छ ।

काठमाडौं, गोकर्णेश्‍वर नगरपालिका-५ नारायणटारबाट जुवातास खेलिरहेको अवस्थामा सोही ठाउँ बस्ने ४६ बर्षीय गोकुल चौलागाईसहित १३ जनालाई शुक्रबार राति प्रहरीले पक्राउ गरेको छ ।

महानगरीय प्रहरी वृत्त बौद्धबाट खटिएको प्रहरी टोलीले उनीहरुलाई जुवातास खेलिरहेको अवस्थामा नगद १ लाख ३० हजार रुपैयाँ, ८ बुक तास, ६ थान पासा र १६ थान पासाको गोटी सहित पक्राउ गरेको हो ।

यसैगरी बाजुरा, खप्तड छेडेदह गाउँपालिका-५ बस्ने ४९ बर्षीय रामबहादुर रावतको घरमा जुवातास खेलिरहेको अवस्थामा राउत सहित ६ जनालाई शुक्रबार दिउँसो प्रहरीले पक्राउ गरेको छ ।

प्रहरी चौकी दोगडीबाट खटिएको प्रहरीले उनीहरुलाई जुवातास खेलिरहेको अवस्थामा नगद १ लाख २ हजार ३ सय ९० रुपैयाँ र तास सहित फेला पारी पक्राउ गरेको हो ।

यस सम्बन्धमा स्थानीय प्रहरीले आवश्यक अनुसन्धान गरिरहेको छ ।