काठमाडौं– सरकारले डायलाइसिस गर्नुपर्ने मिर्गौलाका बिरामीमा कोरोना संक्रमण भएमा छुट्टै स्थानमा डायलाइसिस गराउने भएको छ ।

स्वास्थ्य मन्त्रालयका प्रवक्ता डाक्टर विकास देवकोटाले नियमित लाइभ अपडेटमा बोल्दै डायलाइसिय गर्नुपर्ने कोरोना संक्रमतिको लागि छुट्टै स्थानमा डायलाइसिस गर्ने व्यवस्थापन गरेको बताएका हुन् ।

डा देवकोटाका अनुसार मानव अंग प्रत्यारोपण केन्द्रमा भएका ६वटा डायलाइसिस मेसिनलाई कोरोना संक्रमतिको लागि छुट्याएर राख्न लागेको हो ।

उनले भने, ‘हामीले मानव अंग प्रत्यारोपण केन्द्रमा भएका ६वटा डायलाइसिस मेसिनहरुलाई कोभिड १९ सँग सम्बन्धि संक्रमित भएका केसहरुका लागि भनेर छुट्याएर राख्ने र त्यसरी परीक्षणको बस्दोबस्छ गर्ने भनेर व्यवस्थापन पनि गरेका छौं ।’