काठमाडौं – शनिबार थप दुई जनामा कोरोना भाइरसको सङ्क्रमण पुष्टि भएको छ ।
महोत्तरीका ५२ वर्षीय पुरुष र काभ्रेका २६ वर्षीय युवकमा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
स्वास्थ्य मन्त्रालयका प्रवक्ता डाक्टर विकास देवकोटाका अनुसार थप दुई जनामा कोरोना भाइरसको संक्रमण पुष्टि भएको हो । योसँगै नेपालमा कोरोना संक्रमितको संख्या २ सय ७८ पुगेको छ ।
यसअघि आज बिहान ९ जनामा कोरोना भाइसको सङ्क्रमण पुष्टि भएको थियो । योसँगै शनिबारमात्रै ११ जनामा कोरोना पुष्टि भएको मन्त्रालयले जनाएको छ । कोरोना सङ्क्रमित सबैको स्वास्थ्य अवस्था सामान्य छ ।
नेपालमा कोरोना संक्रमितमध्ये मध्ये ३६जना निको भएर घर फर्किएका छन् ।
प्रतिक्रिया