नवलपरासी- प्रदेश न. ५ अन्तर्गत पश्चिम नवलपरासीका विभिन्न स्थानिय तहमा रहेको संस्थागत क्यारेन्टाईनहरुमा सरोकारवालाहरुद्वारा अनुगमन गरिएको छ ।

क्यारेन्टाईनहरुमा समग्र व्यवस्थापन खाना , बास , पिउने पानी , सरसफाई साथै क्यारेन्टाईन संगै रहेको हेल्थ डेक्स लगायतका आधारभुत आवश्यकताको व्यवस्थापन बारे अनुगमन गरिएको हो ।

अनुगमनको क्रममा अधिकाशं क्यारेन्टाईनहरुको अवस्था सन्तोषजक रहे पनि थप सुधार भएमा उपयुक्त हुने स्वास्थ्य कार्यालय पश्चिम नवलपरासीका कार्यालय प्रमुख गौरव ढकालले जानकारी दिए ।

जिल्ला समन्वय समितकिा प्रमुख शिवशंकर प्रसाद रायको नेतृत्वमा सरोकारवालाहरुको टोलीले विभिन्न स्थानिय तहले स्थापना गरेका क्यारेन्टाईनहरुको अनुगमन गरेको थियो ।

अनुगमन पश्चात समन्वय समितीका प्रमुख शिव शंकर प्रसाद रायले क्यारेन्टाईनको अवस्था सन्तोषजनक रहेको प्रतिकृया दिए ।  ७ वटा स्थानीय तह रहेका पश्चिम नवलपरासीमा कूल १३ वटा क्यारेन्टाइन छन् ।