न्युयोर्क – मार्भलको फिल्म ‘डक्टर स्ट्रेन्ज’ को दोस्रो भाग ‘स्पाइडर म्यान’ सिरिजका निर्देशक साम रैमीले गर्ने भएका छन् । मार्भलले फेज ४ का लागि फिल्म घोषणा गरिसकेको छ । तीमध्ये ‘डक्टर स्ट्रेन्ज २’ पनि प्रतीक्षितमध्ये एक हो ।

फिल्मको पहिलो भाग स्कट डेरिसक्सनले निर्देशन गरेका थिए । मार्भल र स्कटबीच केही कुरामा विचार नमिल्दा उनले यो फिल्मको निर्देशनबाट हात झिकेका थिए ।

अब स्कटको सट्टा साम रैमीको निर्देशन देख्न सकिनेछ । मार्भलले पहिलो स्पाइडर म्यान सिरिजको निर्देशन गरेका थिए । मार्भलले रैमीलाई नै उत्कृष्ट निर्देशक मान्दै निर्देशनको जिम्मा दिएको हो ।

यो फिल्म पहिले सन् २०२१ को मेमा रिलिज हुने भनिएको थियो । अब भने यो फिल्म नोभेम्बरमा रिलिज हुनेछ ।

यसको पहिलो भागलाई दर्शकले रुचाएका थिए । यो फिल्मको कहानी नेपालसँग पनि लिंक भएका कारण नेपाली दर्शकमाझ पनि प्रतीक्षित छ ।