काठमाडौं – बेलायतका एक सांसदले महामारीको समयमा पनि चीनले फाइदा उठाउन खोजेको आरोप लगाएका छन् ।
यो संकटको घडीमा पनि चीनले इन्टरनेट प्रविधिको तरिका बदल्दै इमानिजेसन टेक्नोलोजीज जस्ता कम्पनीलाई नियन्त्रणमा लिएर चीनले फाइदा उठाएको सांसद् टम टुगेनढाटले आरोप लगाएका हुन् ।
‘चिनियाँ सरकार र सरकारको स्वामित्वमा रहेका कम्पनीहरू आकजल निकै सक्रिय छन्, उनीहरूले यस समयको उपयोग गर्न खोजिरहेका छन्,’ बुधवार स्काई टेलिभिजनसँग कुरा गर्दै टुगेनढाटले भने, ‘इमाजिनेसन टेक्नोलोजीज जस्ता कम्पनीमा विगत केही हप्तादेखि व्यवस्थापन परिवर्तन गर्न खोजिँदैछ ।’
फरेन अफेयर्स सेलेक्ट कमिटीका अध्यक्ष समेत रहेका टुगेनढाटले यस्तो संकटका बेला चलखेल नगर्न चीनलाई चेतावनी समेत दिएका छन् ।
प्रतिक्रिया