काठमाडौं – बलिउड सुपरस्टार शाहरुख खान फिल्म ‘जीरो’ पछि पर्दामा देखिएका छैनन् । फ्यान उनको नयाँ फिल्मको प्रतीक्षामा छन् ।

यतिबेला एक खबर सार्वजनिक भएको छ, जसअनुसार शाहरुख खान छिट्टै नै रणवीर कपूर र आलिया भट्टको फिल्म ‘ब्रह्मास्त्र’ मा देखिँदैछन् ।

डिसेम्बरमा रिलिज हुने यो फिल्ममा रणवीर र आलियाका साथ अमिताभ बच्चनलाई पनि शीर्ष भूमिकामा देखिनेछ । फिल्ममा शाहरुख एक अहम् भूमिकाका साथ देखिनेछन् ।

यो सुपरहिरो ड्रामा फिल्ममा शाहरुख खान एक वैज्ञानिकका रुपमा देखिने भारतीय मिडियाले उल्लेख गरेका छन् ।

फिल्म ५ भाषामा रिलिज हुनेछ । भीएफएक्सको अधिक प्रयोग गरिएकाले फिल्मको काम ढिलो गरी भइरहेको छ । बिग बजेटमा निर्माण भएको यो फिल्म लामो समयदेखि दर्शकका लागि प्रतीक्षित छ ।