काठमाडौं – सहिद स्मारक बी डिभिजन क्लब बाँसबारी क्लबलाई अराउण्ड द हिमालयज प्रालिले प्रायोजन गरेको छ।

आइतबार राजधानीमा पत्रकार सम्मेलनको आयोजना गरि क्लबका अध्यक्ष प्रेम थापा र हिमालयजका कार्यकारी निर्देशक सुधारमन कार्कीले सम्झौता पत्रमा हस्ताक्षर गरेका हुन् ।

बाँसबारी र हिमालयजबीचको सम्झौता १ वर्षको रहेको छ। अराउण्ड दि हिमालयले बाँसबारीलाई १० लाख दिने भएको छ । बाँसबारीको टाइटल स्पोन्सरका रुपमा रहेको हिमालयजको लोगो खेलाडीको जर्सीमा समेत हुनेछ ।

बाँसबारीले टिमको मुख्य प्रशिक्षकमा युगल किशोर राई र सहायक प्रशिक्षककाे भूमिकामा निशान श्रेष्ठ रहेका छन

क्लबले २२ जना खेलाडी आवद्व गरेकाे अध्यक्ष थापाले बताए । उनले यो सिजनमा बाँसबारी क्लब ए डिभिजन लिगमा उक्लिने गरि तयारी गरिरहेकाे समेत बताए ।

बी डिभिजन क्लबलाई अखिल नेपाल फुटबल संघ (एन्फा) ले लिगको तयारीका लागि १० लाख दिने घोषणा गरेको छ भने काठमाडौं महानगरपालिकाले ३ लाख आर्थिक सहयोग गर्ने भएको छ।

ए डिभिजनमा उक्लिन सके अझै आर्थिक रुपमा बलियो बन्ने लक्ष्य रहेको अध्यक्ष थापाले बताएका छन् । क्लबले यो सिजनका लागि ३५ लाख खर्च अनुमान गरेको छ। बी डिभिजन लिग फागुन ११ गतेदेखि शुरु हुँदैछ।