काठमाडौँ– जावलाखेल भलिबल प्रशिक्षण केन्दमा निर्माण हुन लागेको कभर्डहलको शिलान्यास गरिएको छ ।

मंगलबार बिहान ललितपुर महानगरपालिका वडा नम्बर ४ का अध्यक्ष नारायण केसी, वडा नम्बर १३ का गणेश केसी र प्रशिक्षण केन्द्रका अध्यक्ष माधव खड्काले संयुक्त रुपमा कभर्डहलको सिलन्यास गरेका हुन्।

बागमती प्रदेश सरकारको आर्थिक सहयोगमा प्रशिक्षण केन्द्रको कभर्डहल बन्न लागेको हो । प्रदेश सरकारले २ करोड ४७ लाख बजेट छुट्याइएको छ।

आज औपचारिक शिलन्यास भएको कभर्डहल बैशाखसम्म निर्माण सम्पन्न गसिसक्ने योजनासहित काम अघि बढेको प्रशिक्षण केन्द्रले जनाएको छ ।

जावलाखेल प्रशिक्षण केन्द्र विसं २०५० सालमा स्थापना भएको थियो ।

त्यसयता यसले विभिन्न चरणमा राष्ट्रिय खेलाडी उत्पादनमा सहयोग पुर्याउँदै आएको छ। शिलान्यास कार्यक्रममा राष्ट्रिय खेलकुद परिषद् (राखेप) की बोर्ड सदस्य इन्दीरा निरौला, भलिबल प्रशिक्षक कपिल किशोर श्रेष्ठ, महिला भलिबल खेलाडी अन्जु श्रेष्ठ लगायतको सहभागीता थियो ।