वासिङ्टन – संयुक्त राज्य अमेरिकाका राष्ट्रपति डोनाल्ड ट्रम्प हालै भएको राष्ट्रपतीय चुनावमा पराजित भए ।

उनका प्रतिद्वन्दी जो बाइडेनले चुनावमा जीत हासिल गरे पनि ट्रम्पले भने आफ्नो हार स्वीकार गर्न मानिरहेका छैनन् ।

यसैबीच वासिङ्टन डिसीमा ट्रम्पका हजारौं समर्थक भेला भएर विरोध प्रदर्शन गरका छन् । प्रदर्शनकारीले झण्डासहित प्रदर्शन गरेका थिए ।

अन्तर्राष्ट्रिय सञ्चार माध्यमका अनुसार प्रदर्शनमा दक्षिण पन्थी समूह प्राउड बोइजको पनि सहभागिता थियो । गल्फ कोर्स जान निस्किएका ट्रम्पलाई प्रदर्शनकारीहरुले घेरेका थिए ।

गत नोभेम्बर ३ मा भएको चुनावमा जो बाइडेन विजयी भएपछि ट्रम्पले हार बेहोरेका छन् । उनले आफू अदालतमा जाने र कानुनी लडाइँ लड्ने बताउँदै आएका छन् ।