काठमाडौँ– काठमाडौँको नयाँ बजारस्थित एक निजी घरमा ग्याँस सिलिन्डर पड्किएर आगलागी भएको छ ।
काठमाडौँ महानगरपालिका वडा नम्बर १६ नयाँ बजारस्थित फलफूल चोकमा रहेको नीलकुमारी क्षत्रीको घरमा ग्यास पड्किएर आगलागी भएको महानगरीय प्रहरी परिसर काठमाडौंका एसपी तथा प्रवक्ता सोमेन्द्र सिंह राठौरले जानकारी दिए ।
नीलकुमारीको ससुरा केही दिनअघि मृत्यु भएको र सो घरमा हाल किरियाकर्म भइरहेको थियो ।
बिहीबार बिहान ग्यास खोल्दा एकाएक लिक भएर आगलागी भएको जानकारी आएको प्रहरीले जनाएको छ ।
प्रहरीका अनुसार घटनामा ११ जना घाइते भएका छन् । त्यसमध्ये २ जनाको अवस्था गम्भीर छ ।
घाइतेहरुको पिपुल्स र मनमोहन अस्पतालमा उपचार भइरहेको राठौरले जानकारी दिए ।
४ वटा ग्यास सिलिन्डर विस्फोट हुँदा सो घरमा ठूलो क्षति भएको छ । वरपरका केही घरमा समेत सामान्य क्षति पुगेको प्रहरीले जनाएको छ ।
हेरौं भिडियो
प्रतिक्रिया