काठमाडौँ- रोमेलु लुकाकुको उत्कृष्ट प्रदर्शनमा बेल्जियमले नेसन्स लिग फुटबलमा आइसल्याण्डलाई २–१ ले हराएको छ ।
बेल्जियमको जितमा दुबै गोल लुकाकुले गरे । खेलको नवौं मिनेटमा लुकाकुले बेल्जियमलाई अग्रता दिलाएका थिए ।
तर, १७औं मिनेटमा आइसल्याण्डका बिरकिर सवार्सनले बराबरी गोल फर्काए । ३८औं मिनेटमा लुकाकुले पेनाल्टीमा गोल गर्दै बेल्जियमलाई महत्वपूर्ण तीन अंक दिलाए ।
जितसँगै समूहमा बेल्जियम ९ अंकसहित शीर्ष स्थानमा उक्लिएको छ । डेनमार्क दोस्रो र इङ्ल्याण्ड तेस्रोमा छ । अंकविहिन आइसल्याण्ड तालिकाको पुछारमा छ ।
प्रतिक्रिया