काठमाडौं – फिफाको महिला बरीयतामा नेपाल यथावत रहेको छ ।
विश्व फुटबलको सर्वोच्च निकाय फिफाले सार्वजनिक गरेको नयाँ वरीयतामा नेपाल यथावत ९९औं स्थानमा रहेको हो ।
अघिल्लो पटक पनि नेपाल ९९औं स्थानमा रहेको थियो । एसियाली राष्ट्रको वरीयतामा भने नेपाल २१औं स्थानमा रहेको छ ।
यस्तै दक्षिण एसियाली राष्ट्रको वरीयता नेपाल दोस्रो स्थानमा रहेको छ । नेपाल भन्दा अघि रहेको भारत ५५औं स्थानमा रहेको छ ।
विश्व वरीयतामा अमेरिका पहिलो स्थानमा छ भने जर्मनी दोस्रो, फ्रान्स तेस्रो , नेदरल्यान्ड्स चौंथो र स्वीडेन पाँचौं स्थानमा छन् ।
प्रतिक्रिया