काठमाडौं – नेपालका लेग स्पिनर सन्दीप लामिछानेले खेल्दै आएको बिग बास लिग (बीबीएल) क्रिकेट आगामी डिसेम्बर पहिलो साताबाट शुरु हुने भएको छ । बीबीएलले १० औं संस्करणको लिग डिसेम्बर ३ बाट सुरु हुने जनाएको छ ।

अस्ट्रेलियाका आठ टोलीले सहभागिता जनाउने बीबीएल ३ जनवरीमा शुरु भई फेब्रुवरी ६ मा सम्पन्न हुनेछ ।

प्रतियोगिताको मितिसँगै बीबीएलले लिगको खेल तालिका समेत सार्वजनिक गरेको छ ।  यो सिजनको उद्घाटन खेलमा एडिलेट स्ट्राइकर्स र मेलबर्न रेनेगेड्सले प्रतिस्पर्धा गर्नेछन् ।

बीबीएलको अघिल्ला दुई सिजन नेपाली राष्ट्रिय क्रिकेट टिमका लेग स्पिनर लामिछानेले मेलबर्न स्टार्सबाट खेलेका थिए ।

सन्दीपले दुई सिजनको लिग मेलवर्न स्टार्सबाट खेलेका छन् । लगातार बिबीएलमा राम्रो प्रदर्शन गर्दै आएका लामिछाने यो वर्ष पनि छनोट हुने सम्भावना बलियो रहेको छ ।