काठमाडौं – मैत्रीपूर्ण खेलमा लण्डन क्लब चेल्सीले क्युपीआरलाई फराकिलो अन्तरले हराएको छ ।
स्टामफोर्ड ब्रिजमा आईतबार भएको मैत्रीपूर्ण खेलमा दोस्रो श्रेणीको क्लब क्युपीआरलाई चेल्सीले ७–१ गोल अन्तरले हराएको हो ।
चेल्सीको जीतमा रुबेन लोफ्टस चीक र बिली गिलमरले दुई/दुई गोल गरे । मासन मौन्ट, विलियन र ओलिभर जिराउडले समान एक/एक गोल गरे ।
कोरोना भाइरसको महामारीले रोकिएर पुनः सुरू हुन लागेको लिगअघिको मैत्रीपूर्ण खेलमा चेल्सीले आत्मविश्वासी प्रदर्शन गरेको हो ।
चेल्सीले अर्को आईतबार एस्टन भिल्लासंग खेल्दै लिगको सुरुवात गर्नेछ । फ्रान्क लाम्पार्ड नेतृत्वको चेल्सी लिगको चौथो स्थानमा रहेको छ ।
प्रतिक्रिया