काठमाडौं- आगामी आर्थिक वर्षदेखि वैदेशिक रोजगारीबाट फर्केका दक्ष युवाहरुलाई उद्यमशील बनाउने भन्दै सरकारले सुरुवाती पुँजी उपलब्ध गराउने घोषणा गरेको छ ।

संघीय संसदको संयुक्त बैठकमा राष्ट्रपति विद्यादेवी भण्डारीले आगामी आर्थिक वर्षको नीति तथा कार्यक्रम सार्वजनिक गर्दै सरकारले उद्यमशील बन्न चाहने युवाहरुलाई पूँजी उपलब्ध गराउने घोषणा गरेकी हुन् ।

नयाँ उद्यम गर्न सरकारले युवाहरुलाई पनि सुरुवाती पुँजी उपलब्ध गराउने र नवप्रर्वतनात्मक स्टार्ट अप युवा उद्यमीलाई सुरुवाती पुँजी उपलब्ध गराईने भएको हो ।

पर्याप्त आन्तरिक रोजगारी नभइसकेको अवस्थामा कोभिड–१९ का कारण आन्तरिक रोजगारी घट्ने र वैदेशिक रोजगारी समेत घट्ने भएकाले युवाहरुलाई कृषि तथा सेवा क्षेत्रमा लगाउने नीति समेत सरकारको छ ।