एजेन्सी- इरानले कोरोनाभाइरस पहिचान गर्ने ‘चुम्बकीय’ उपकरण सार्वजनिक गरेको छ ।
इरानकाे इस्लामिक रिभोलुसन गार्ड कर्प्सका कमान्डरले कोरोना भाइरस पहिचान गर्न सक्ने ‘चुम्बकीय’ उपकरण सार्वजनिक गरेका हुन् ।
झण्डै १ सय मिटरको दूरीमा रहेको कोरोना संक्रमित व्यक्तिलाई उक्त चुम्बकीय डिभाइसले पहिचान गर्न सक्ने दाबी गरिएको छ ।
चुम्बकीय उपकरण सार्वजनिक गर्दै कमाण्डर माज्गेन होसैनले भनेका छन्, ‘कोरोना संक्रमित व्यक्तिको पहिचान यो म्याग्नेटिक उपकरणले करीब सय मिटरको दूरीमा पाँच सेकेण्डभित्रै हुन्छ।’
साथै यो डिभाइसले ८० प्रतिशत नतिजा दिने उनले बताएका छन्।
विज्ञहरुले भने अहिले कोभिड-१९ जाँच गर्ने एकमात्र उपयुक्त विधि भनेको स्वाब परीक्षण नै रहेको जनाउँदै आएका छन् ।
प्रतिक्रिया