काठमाडौं – नेपाल राष्ट्र बैंकका गभर्नरसँग नेपाल चेम्बर अफ कमर्सका पदाधिकारीले भेट गरि कोरोनाभाइरसले अर्थतन्त्रमा पारेको असरका सम्बन्धमा ज्ञापनपत्र पेश गरेको छ ।

नेपाल चेम्वर अफ कमर्सका अध्यक्ष राजेशकाजी श्रेष्ठले नेपाल राष्ट्र बैंकका गभर्नर महाप्रसाद अधिकारी समक्ष चेम्वरको तर्फबाट कोरोना (कोभिड १९)बाट अर्थतन्त्रमा परेको असरका सम्वन्धमा १७ वुंदे सुझाव प्रस्तुत गरेको हो । उक्त अवसरमा चेम्वरका वरिष्ठ उपाध्यक्ष राजेन्द्र मल्ल, उपाध्यक्ष दीपक मल्होत्रा तथा चेम्वरका कार्य समिति सदस्य दीपक श्रेष्ठ पनि सहभागी थिए ।

मुलुकको अर्थतन्त्रमा निजी क्षेत्रको महत्वपूर्ण भूमिका रहेको हुने भन्दै चेम्बरले अर्थतन्त्रमा कोरोना भाइरसको असरबारे अध्ययनका लागि निजी क्षेत्रसमेतको सहभागितामा उच्चस्तरीय अध्ययन कार्यदल गठन गर्न माग गरेको छ ।

त्यस्तै चेम्बरकाका प्रतिनिधिले बैंकिङ कर्जाको व्यवस्था हुनुपर्ने, नेपाल राष्ट्र बैंकले कर्जा निक्षेप अनुपात (सीसीडी रेसियो) खुकुलो बनाइ लगानीयोग्य पुँजी प्रवाह बढाउनुपर्ने लगायतका सुझाव प्रस्तुत गरिएको छ ।