काठमाडौं – कोरोना भाइरसको परीक्षणका लागि विश्व स्वास्थ्य संगठनले आह्वान गर्दै आए पनि सबै अस्पतालहरुमा परीक्षण नहुँदा मानिसहरुमा अन्यौलता छाएको छ ।

तर यस्तो अन्यौलतालाई आइफोन उत्पादक कम्पनी एप्पलले अन्त्य गरिदिएको छ । एप्पलले आफ्नो म्याप एपको माध्यमबाट प्रयोगकर्तालाई नजिकको परीक्षण केन्द्र पत्ता लगाउन सहयोग गर्ने भएको छ ।

यो फिचर सबैभन्दा पहिले नाइन टु फाइभ म्याकमा देखा परेको थियो ।  एप्पलले अस्पताल, प्रयोगशाला र क्लिनिकहरुका लागि एउटा पोर्टल सार्वजनिक गरेको थियो । जसमा एप्पलले आफूलाई कोभिड-१९ को परीक्षण केन्द्रको रुपमा रजिस्टर गराउन सक्छन् ।

यसपछि कम्पनीले यसको लोकेसनलाई भेरिफाई गर्छ र एप्पल म्यापमा देखाउँछ । एपमा उक्त परीक्षण केन्द्रले ड्राइभ थ्रो फेसिलिटी दिन्छ वा अपोइन्टमेन्टका लागि प्री बूक गर्नुपर्छ । यी सबै कुराको जानकारी म्यापबाटै उपलब्ध हुनेछ ।

तर यो फिचर अन्तर्राष्ट्रियस्तरमै उपलब्ध छ कि छैन भन्ने विषय चाहिँ स्पष्ट हुन सकेको छैन् । यद्यपि अमेरिकामा भने यो सेवा उपलब्ध हुन थालेको एप्पलले जनाएको छ ।