बारा- सशस्त्र प्रहरीको टोलीले बारामा स्रोत नखुलेको १२ लाख ३६ हजार ५ सय रुपैयाँ सहित दुई जना भारतीय नागरिकलाई पक्राउ गरेको छ ।

सशस्त्र प्रहरी बल, सुरक्षा बेस जितपुरबाट खटिएको सशस्त्र प्रहरी निरिक्षक दिलेन्द्र खत्रीको टोलीले बाराको परवानिपुर गाँउपालिका-३ बाट  भारत घर बताउने ४० वर्षीय ईनामोल र २५ वर्षीय  ईसा आलमलाई उक्त रकमसहित पक्राउ गरेको हो ।

बी आर ०५ जेड १४४३ नम्बरको भारतीय मोटरसाइकलमा सवार उनीहरुलाई चेकजाँच क्रममा पक्राउ गरिएको बाराका सशस्त्र प्रहरी प्रमुख सशस्त्र प्रहरी उपरीक्षक दिग बिजय सुबेदीले बताए ।

सोधपुछका क्रममा उनीहरुले उक्त पैसाको स्रोत खुलाउन नसकेपछि  पक्राउ गरी आइतबार बिरगंज भन्सार कार्यालय बुझाइएको उपरीक्षक सुबेदीले बताए ।