काठमाडौं– स्वास्थ्य मन्त्री भानुभक्त ढकालले कोरोना भाइरस महामारीको अवस्था हेरेर एसईईको तालिका बनाउने बताएका छन् ।

राष्ट्रिय सभा बैठकमा सांसदहरुले कोरोना भाइरसको त्रास बढिरहेको बेलामा स्कुल बन्द गर्न किन ढिलाइ गरेको भन्ने प्रश्नको जवाफ दिँदै मन्त्री ढकालले चैत्र पाँच गते १ देखि ९ कक्षा सम्मका करिब ५० लाख विद्यार्थीको परीक्षा सकिने र त्यसपछि एक महिना विद्यालयहरु स्वत बन्द हुने बताए ।

‘नेपालमा अहिले ५६ लाख विद्यार्थी अध्ययनरत छन् । मन्त्री ढकालले भने,‘१ देखि ९ सम्मका ५० लाख विद्यार्थीएको जाँच चैत्र पाँच गते सकिन्छ’ मन्त्री ढकालले भने,‘एसईई परीक्षा सञ्चालनको कुरा हामी दुई/तीन दिनसम्म हेरेर यो महामारीको स्थिति कुन अवस्थामा हुन्छ भन्ने कुरालाई हेरेर त्यसको सेडुल बनाउने खालको सोचाइ बनाएका छौं ।’

एसीईई परीक्ष पाँच गतेदेखि सञ्चालन हुन लागेको भन्दै उनले चार गतेसम्मको अवस्था हेरे छिमेकी मित्र राष्ट्रसँगको अवस्था हेरेर यसलाई कति व्यवस्थापन गर्न सकिन्छ भन्ने कुरा हेरेर निर्णयमा पुग्ने उनले बताए ।

‘थप संक्रमण भित्रियो भने त्यो जोखिमबाट बच्नलाई त त्यो परीक्षा स्थगित गर्नुको विकल्प रहेन’ उनले भने,‘तर त्यो अलिकति समय लगाएर हेर्दै जाउँ भन्ने कुरा छ ।’