काठमाडौं– कोरोना भाइरस (कोभिड १९) को सम्भावित सङ्क्रमणको त्रास देखाएर दैनिक उपभोग्य वस्तु नुन तथा चिनिको कृतिम अभाव देखाएर कालोबजारी गर्नेलाई सरकारे कारवाही गने भएको छ ।

नुनको अभाव नरहेको र अभाव सिर्जना गर्न खोज्नेमाथि कडा कारवाही गर्ने साल्ट ट्रेडिङ कपेरिशन लिमिटेडले जनाएको छ ।

साल्ट ट्रेडिङ कर्पोरेशनका विभागीय प्रबन्धक व्रिजेशकुमार झाले नुनको खुद्रा मूल्यभन्दा बढीमा बिक्री गरिनु गैरकानूनी रहेको र अभाव सिर्जना गरी कालोबजारी गर्न खोज्ने व्यापारिक फार्म तथा विक्रेतालाई कारवाहीको दायरामा ल्याइने जानकारी दिए ।

कर्पोरेशनसँग अहिले कम्तिमा पनि १० महिनाका लागि पुग्ने गरी नुन मौज्दात रहेकाले आत्तिनुपर्ने अवस्था नरहेको उनले बताए ।
देशभर मासिक १६ हजार मेट्रिक टन नुन खपत हुन्छ ।

‘हामीसँग अहिले एक लाख ५५ हजार ३०० मेट्रिक टन नुन मौज्दात छ । मौज्दात नुन आउँदो १० महिनासम्म पर्याप्त हुन्छ, आत्तिनु पर्दैन’ प्रबन्धक झाले भने ।

उद्योग बाणिज्य तथा आपूर्ति मन्त्री लेखराज भट्टले कालोबजारी गरेको पाइए ११३७ नम्बरमा फोन गर्न अपिल गरेका छन् । कसैले ठगेमा, सामानको कृत्रिम अभाव गरेमा तत्कालै यो पैसा नलाग्ने नम्बर ११३७ मा फोन गर्न मन्त्री भट्टले उपभोक्तालाई अपिल गरेका हुन् ।