काठमाडौं- माघे संक्रान्ति पर्वको अवसर पारेर नुवाकोटमा गोरु जुधाउने मेला गरिएको छ । विगतका वर्षहरु झै यस वर्ष पनि गोरु जुधाई मेला गरिएको हो । नुवाकोटको तारुकासहित तीन स्थानमा गोरु जुधाइएको हो ।
प्रत्येक वर्षको माघे संक्रान्तिको दिन गोरु जुधाइने मेलाको आयोजना हुँदै आएको छ । यसवर्ष तीन स्थानमा गरी ४५ हल गोरु जुधाइएको छ ।
तारकेश्वर गाउँपालिका वडा नं. ३ चन्दनीमा २२ हल, विदुर १० नेत्रावतिमा १५ हल र पञ्चकन्या गाउँपालिका–३ मा ८ हल गोरु जुधाइएको हो ।
गोरु जुधाइने मेलामा मेला हेर्न राजधानी काठमाडौं लगायत देशका विभिन्न स्थानबाट सर्वसाधारण नुवाकोट पुगेका थिए ।
प्रतिक्रिया